quinta-feira, 15 de janeiro de 2009

UNDI KI N DEXA NHA KURASON

(NA SON DI NHU SANTU AMARU)

Sintinela di madrugada
é ka strela é ka galu
é bu kurason ta da stalu
ondias di mar ta subi txada

ta konta stória di enkantada
sonbra di noibus ta kore kabalu
riba di bu kosta dja kria kalu
skalabradu onti na fiu di spada

seru kubri berdi na talu
lágua di séu nen un pitada
dja N xinti bu alma ta da abalu
boka fitxadu ka ta fla nada

agu ta kore tudu labada
dja é ka vos ta faze koru
múzika bu boka kré bira txoru
bu formozura kaba na nada

nhos da-m nha gaita ku nha inxada
pa N ba invoka nhu sant' amaru
pa bu spritu ser más ki baru
ô puera lebi ta kubri txada


JOSÉ LUIZ TAVARES

Sem comentários: