Kenyatta

Na fundu´l kadiâ
Kenyatta xintadu.
Kenyatta prezu;
Liberdade é pensamentu,
Terá é korason!

Na txada di Inglaterra,
Nha Rainha ta fazi festa,
Teremodi sabi ta matxika;
Manda é poderis,
Goberna é grandesa!

Fidju´l liberdadi,
Bu ta luta na bariga´l bu mai,
Bu frutxi-frutxi pa odja Mundu;
Ó ki bu sai
Lembra mal ki bu pasa:

Matxika branku, oru, rei, grandesa!
Na sangui, na duzusperu
- spada skontra spada,
Sangui skontra sangui:
Jomo Kenyatta – Liberdadi di Kénya!

Kaoberdiano Dambará